Saturday, November 24, 2012

ഷാക്ക് പ്രവേർ - കിളിയുടെ പടം വരയ്ക്കേണ്ടതെങ്ങനെയെന്ന്


ആദ്യമായി ഒരു കൂടു വരയ്ക്കുക.

വാതിൽ തുറന്നിട്ടിരിക്കണം.

എന്നിട്ട്‌

ഭംഗിയുള്ള

ലളിതമായ

കിളിക്കുപയോഗമുള്ള

എന്തെങ്കിലുമൊന്ന്

വരച്ചുചേർക്കുക.

പിന്നെ കാൻവാസ്‌ ഒരു മരത്തിൽ ചാരിവയ്ക്കുക.

തൊടിയിലോ

കാവിലോ

കാട്ടിലോ ആകാം.

എന്നിട്ടൊരു മരത്തിനു പിന്നിൽ

ഒളിച്ചുനിൽക്കൂ.

മിണ്ടരുത്‌

അനങ്ങരുത്‌...

ഒരുവേള കിളി പെട്ടെന്നെത്തിയെന്നുവരാം

ഒരുവേള കിളി തീരുമാനമെടുക്കാൻ വർഷങ്ങളെടുത്തെന്നുമാകാം.

മനസ്സിടിയരുത്‌

കാത്തിരിക്കുക

വേണമെങ്കിൽ വർഷങ്ങളോളം കാത്തിരിക്കുക

കിളി വന്നാലും വൈകിയാലും

അതുമായി ത്രത്തിന്റെ മേന്മയ്ക്ക്‌ ഒരു ബന്ധവുമില്ലെന്നുമോർക്കുക.

കിളിയെത്തുമ്പോൾ

അതെത്തിയെന്നാണെങ്കിൽ

പരിപൂർണ്ണനിശബ്ദത പാലിക്കുക

കിളി കൂട്ടിലേക്കു കയറാൻ കാത്തിരിക്കുക.

അതു കയറിക്കഴിഞ്ഞാൽ

തൂലിക കൊണ്ട്‌ വാതിൽ മെല്ലെയടയ്ക്കുക.

പിന്നെ കൂടിന്റെ അഴികൾ

ഒന്നൊന്നായി ചായമടിച്ചുമായ്ക്കുക.

കിളിയുടെ ഒരു തൂവൽ പോലും തൊടാതിരിക്കാൻ

ശ്രദ്ധ വേണം.

അടുത്തതായി ഒരു മരത്തിന്റെ ചിത്രം വരയ്ക്കണം.

കിളിക്കായി

അതിന്റെ ഏറ്റവും നല്ല ചില്ല തിരഞ്ഞെടുക്കുക.

പച്ചിലച്ചാർത്തും

കാറ്റിന്റെ പുതുമയും

വെയിലു വീഴുന്ന പരാഗവും വരയ്ക്കുക.

വേനൽപ്പുൽക്കൊടികളിൽ

ചീവീടിന്നിരമ്പവും വരയ്ക്കുക.

ഇനി കിളി പാടാനൊരുങ്ങുന്നതു നോക്കിയിരിക്കുക.

കിളി പാടുന്നില്ലെന്നാണെങ്കിൽ

അതൊരു ചീത്ത ലക്ഷണമാണ്‌

നിങ്ങളുടെ ചിത്രം മോശമായിപ്പോയി

എന്നതിന്റെ ലക്ഷണമാണ്‌.

അല്ല, അതു പാടുന്നെവെന്നാണെങ്കിൽ

അതു ശുഭലക്ഷണമത്രേ

നിങ്ങൾക്കിനി ഒപ്പ് വയ്ക്കാമെന്നാണതിനർത്ഥം.

അങ്ങനെ നിങ്ങൾ

വളരെ മൃദുവായി

കിളിയുടെ ഒരു തൂവൽ പിഴുതെടുക്കുന്നു

ചിത്രത്തിന്റെ ഒരു മൂലയ്ക്ക്‌

നിങ്ങളുടെ പേരു കോറിയിടുകയും ചെയ്യുന്നു.


To paint a bird's portrait

First of all, paint a cage
with an opened little door
then paint something attractive
something simple
something beautiful
something of benefit for the bird
Put the picture on a tree
in a garden
in a wood
or in a forest
hide yourself behind the tree
silent
immovable...
Sometimes the bird arrives quickly
but sometimes it takes years
Don't be discouraged
wait
wait for years if necessary
the rapidity or the slowness of the arrival
doesn't have any relationship
with the result of the picture

When the bird comes
if it comes
keep the deepest silence
wait until the bird enters the cage
and when entered in
Close the door softly with the brush
then remove one by the one all the bars
care not to touch any feather of the bird
Then draw the portrait of the tree
choosing the most beautiful branch
for the bird
paint also the green foliage and the coolness
of the beasts of the grass in the summer's heat
and then, wait that the bird starts singing
If the bird doesn't sing
it's a bad sign
it means that the picture is wrong
but if it sings it's a good sign
it means that you can sign
so you tear with sweetness
a feather from the bird
and write your name in a corner of the painting.