അന്നാ മരിയാ,
നിന്റെ മാറത്തു വീഴുന്ന മുടിപ്പിന്നൽ
ചുറയിട്ട ചർമ്മത്തിൽ നിന്നു
സർപ്പദൃഷ്ടികൾ കൊണ്ടെന്നെ നോക്കുന്നു.
നിന്റെ നിരവധിയായ ചാരുതകളിൽ
ഇതൊന്നു തന്നെ മതിയെനിക്ക്:
നിനക്കുള്ളിലെരിയുന്ന ജ്വാലയെ
നീ പൊതിഞ്ഞുവയ്ക്കുന്ന ആ മന്ദഹാസം.
ചിന്താഘനം വച്ച മേഘങ്ങൾ
നിനക്കുള്ളിലുണരുമ്പോഴാണത്,
ഒരു സർപ്പത്തിന്റെ
അലസവും മിനുസവുമായൊരു കിടുങ്ങലോടെ
നിന്റെ ഉരുക്കുടലിന്റെ ചണ്ഡവാതം ശമിക്കുമ്പോഴാണത്...
നിക്കോളാസ് ക്രിസ്തോബൽ ഗിയേൻ ബാറ്റിസ്റ്റ (1902-1989) - ക്യൂബയുടെ ദേശിയ കവി
No comments:
Post a Comment