നാടകം അവസാനിച്ചു.
അവതരണം പൂർത്തിയായി.
അഴഞ്ഞ കുടലെന്നപോലെ നാടകശാല സാവധാനം ഒഴിയുന്നു.
വളിച്ച വാചാടോപത്തിന്റെ,
തട്ടിക്കൂട്ടുതമാശകളുടെ വിദഗ്ധരായ വ്യാപാരികൾ
അണിയറയിൽ മുഖത്തെ ചായവും വിയർപ്പും കഴുകിക്കളയുന്നു.
ചെയ്തബദ്ധമാക്കിയൊരു പ്രവൃത്തി തെളിച്ചുകാട്ടിയ വിളക്കുകളണയുന്നു.
ദുരുപയോഗം ചെയ്ത അരങ്ങിലെ മനോഹരമായ ശൂന്യതയിൽ
അന്തിവെളിച്ചം പരക്കുന്നു.
നിർജ്ജനമായ, മണം മാറാത്ത ഹാളിൽ
സത്യസന്ധനായ നാടകകൃത്തിരിക്കുന്നു,
മുഖപ്രസാദമില്ലാതെ,
ഓർമ്മിച്ചെടുക്കാൻ ആവതു ശ്രമിച്ചുകൊണ്ട്.
No comments:
Post a Comment